Check in 後，已經130 ，於是到和商市場覓食。和商係火車站隔離，裹面有好多間街士模式的魚生店，勝手井，可以根據自己所好，單點各款魚生，每塊計價錢。揀下揀下，一小腕的飯，放滿咗海膽，帶子，三文魚子，蝦，拖羅，就使咗¥2000。
食完飯後，就去咗對面的巴士站，以¥4,850，買咗來回車飛，到阿寒湖。據說，阿寒湖係道東三大名湖之一，但位置較遠，單程車程要2個鐘，反正無咩好做，無所謂啦。
離開市區後，一路睇見都係雪山景，終於大概4：45到達，回程的巴士係5：20。於是以盡快的速度，(但又要好小心，因為結咗冰的路其實好滑)，走過對面酒店區，睇湖景。原來阿寒湖不大，係咁冬的氣溫下，早已結冰，匆匆咁影咗幾張相就趕翻巴士站。
返到市區，係酒店附近食爐端燒。間鋪睇落應該有幾十年，中間有一個好大的炭爐，由一個老婆婆負責烤的食物。點咗碟喜次朗（柳葉）魚(有啲似多春魚），冬菇，帶子，小青椒，肉串，魷魚，番薯，矮瓜，銀鱈魚，飯團，咁就¥7.000幾。
返到酒店，去咗頂樓浴場。浴場裝修幾精緻，有桑拿，同露天浸池。浸完仲做咗個massage.
沒有留言:
張貼留言