1月21日- 二世古Niseko

一早7：45係火車站隔離的巴士站坐車到Niseko，係車入面醒醒訓，終於係1045到咗。

上次住過Prince （佢好似改咗名叫hilton ），今次住起Hirafutei，包晚早兩餐，每位¥14700。但由於仲早，只可以將行李放落locker，然後滑雪。

下午係滑雪場隔離的Gulliver食咗個白忌廉的石窩海鮮飯seafoof doria，的料幾豐富，忌廉好rich ，但又唔好肥，幾好！







已經有年 多無滑雪，本身技術又差。所以滑一日雪對我嚟講，已經係好大的運動量。本來張Pass可以滑到8點，但630 已經返酒店浸溫泉。酒店的浴埸，唔算好大，但都有幾個池，同桑拿房，其中一個池係露天，可以睇住滑雪場浸温泉，算唔錯。

到745就去咗食酒店buffette。佢地的食物，有好多選擇，的燒肉（牛同雞)雖然的味淡咗啲，但係個鮮蝦天婦羅，同埋鮮帶子就幾係我飛彿。

其實，整間酒店最令人驚喜的應該是酒店的房間，塌塌米色的設計，仲有獨立的溫泉浴室。

不過都係太眼，嘩一聲就腄了。