1月22日- 二世古Niseko

酒店的早餐buffeet 好多選擇，仲有冷麵，飛碟.....

食過早餐後，就收拾細欶，仲有時間浸一下房間內的溫泉，睇下出面的滑雪場風景，然後先至退房。




搬入Niseko Kogen Hotel(Hotel 高原）

1月21日- 二世古Niseko

一早7：45係火車站隔離的巴士站坐車到Niseko，係車入面醒醒訓，終於係1045到咗。

上次住過Prince （佢好似改咗名叫hilton ），今次住起Hirafutei，包晚早兩餐，每位¥14700。但由於仲早，只可以將行李放落locker，然後滑雪。

下午係滑雪場隔離的Gulliver食咗個白忌廉的石窩海鮮飯seafoof doria，的料幾豐富，忌廉好rich ，但又唔好肥，幾好！







已經有年 多無滑雪，本身技術又差。所以滑一日雪對我嚟講，已經係好大的運動量。本來張Pass可以滑到8點，但630 已經返酒店浸溫泉。酒店的浴埸，唔算好大，但都有幾個池，同桑拿房，其中一個池係露天，可以睇住滑雪場浸温泉，算唔錯。

到745就去咗食酒店buffette。佢地的食物，有好多選擇，的燒肉（牛同雞)雖然的味淡咗啲，但係個鮮蝦天婦羅，同埋鮮帶子就幾係我飛彿。

其實，整間酒店最令人驚喜的應該是酒店的房間，塌塌米色的設計，仲有獨立的溫泉浴室。

不過都係太眼，嘩一聲就腄了。

1月20日-札幌Sapporo

第二朝最終都係無早起去築地魚市場食海鮮，唸起上次去食鮮海膽做早餐，然後係銀座Burberry買咗好多嘢都仲好開心。

十點鍾就checkout，係噚日落車的地方，坐巴士到羽田機場，每人¥1200，平過噚日個程好多。係機場的Ginza Lion食咗個咖哩蛋飯，又幾好食。

兩點半，到達札幌Sapporo，落著雪，好似比東京凍好多。等了幾分鐘，係機場門口坐巴士到市中心，每人1000¥ 。

巴士沿途見到地上有厚厚的積雪，聽的啱啱係日本翻嚟的朋友講，月頭落過大雪，滑雪場都關了，希望今次唔會啦。巴士行咗差唔多2個鐘，先至到火車站，下次都係坐翻火車。

今次住係Fino，離火車站只要幾分鐘，酒店都好新，係recpeption對開的櫃 放在好多香薰油，一入到酒店就聞到好香。

Checkin之後，就去咗火車站訂到二世古的巴士。來回車票加一日滑雪的套票要4900¥，不包Niseko內的巴士。售票小姐話4000¥的套票包來回程，同Niseko內的巴士，但只在機場有售，下次可以考慮。

晚上隨處遊狂，松屋牛肉店，行經大通公園，見佢地圍起晒，原來準備2月5日的雪祭，可惜到時已經翻咗香港。

第二次嚟到狸小路，店鋪同上次都差唔多，最大興趣的都只係街角個間手信店，有齊各地道小食。


大通公園已經封咗，開始砌雪，準備二月頭的雪祭，只可以俘外邊影張相



JR Tower 迴轉壽司

1月19日-新宿 Shijuku

今次的旅行準備得很匆忙，大部份的野都係出發前一兩日先準備。

原本坐9點的機，點知delay 到11點先至take off，到成田空港NRR 已經差唔多4點，好彩仲趕到405的Airport Limousine，每人¥3,000，去新宿Shinjuku。

東京天氣有的似香港上個星期啲天氣，十度左右，唔算太冬。今次住係shijuku Prince,要¥12,000一晚，裝修好新，又乾凈，係Seibu Shijuku station樓上，好方便。

噚晚無乜點訓，人好累，但成個行程只有今晚係東京，一定要去shopping.

走入01Man, 見到啲野好靚，由於匯兑要8.8，所以特別貴，而最想買的PS同BLB有無點减，最後都忍咗手。

行完街，走咗去食¥6,000一位六歌仙燒肉，先送上一片好似個碟呣 咁大的厚身肥牛，切開七至八塊。仲有雞泡魚，連殼帶子.....



返到酒店体息咗一陣，見到房出面的夜景唔錯，影咗幾張相。



由於仲早，於是落咗去歌舞技盯，見到街角有間細細的寵物店，除咗有好得意的狗仔外，仲注意到一張請店長的招紙，原來一個店長人工要¥30萭一個月，怪唔得日本啲嘢咁貴。跟住去咗係附近一幢賣玩具飾物的商廈，覺得無咩特別，就返翻酒店瞓覺。